Abel Pardo

Abel Pardo

Bienveníos a la Web d’Abel Pardo

Hola. Chámume Abel Pardo y desde este post quieru davos la bienvenida a la web abelpardo.info.

Eiquí alcontraréi información asgaya sobru marketing n’Internet, posicionamientu en buscadores SEO, Pay per Click y Diseñu de páxinas web.

 

Oxetivos d’abelpardo.info

abelpardo.info naz cumu un llugar d’alcuentru n’onde xente interesada nas nuevas teunuloxías de la información y la comunicación tienen el sou sitiu.

Esta web ta plantegada pa coñecere las nuevas tendencias, los nuevos produtos y las nuevas téunicas que tán desenvolviénduse y a desenvolvese nel mundu d’Internet y las teunuloxías de la información y la comunicación.


Llingua

La llingua principal d’este blog yía la llingua Llïonesa, pulu que los artículos tarán n’ese idioma y, preferíblemente, tamién los comentarios.

 

L’Inglés y l’Hespañol son las llinguas ausiliares d’este website, y pa tolas demás ruégase un esfuerzu de tradución p’hacia una de las anteriores.

 

Marketing

Si bien tolos campos del marketing sedrán trataos n’este blog, vamos centranos y especializanos en márketin dixital.

La razón fundamental yía l’avance de las nuevas tendencias en márketin p’hácia’l mundu dixital y d’Internet, la velocidá de los cambios n’estas arias y la facilidá ou dificultá qu’alcuentran los profesionales d’estos campos pa dare cun información relevante.

Pur tou eillu, trabayamos pa davos nuevas interesantes y en llingua Llïonesa.

Sei bien recibíos y alcontravos cumu nel vuesu site n’abelpardo.info.

Saludos axebriegos.

 

Abel Pardo Fernández


abelpardo.com

Abel Pardo yía Sociu Direutor de G4 Marketing Online y CEO d'Aigen Digital Marketing. Yía, amás, collaborador de publicaciones especializadas en márketin cumu Marketing Magazine.

More Posts - Website - Twitter - LinkedIn - Google Plus

468 ad